Муур мэт...

Тас харанхуй, нүв нүцгэн

2013 оны 11-р сарын 23 Нийтэлсэн barbie

Зөвхөн чи бас би

 Дэлгэрэнгүй»

Гайхалтай авъяастай дуучин охин Амира

2013 оны 11-р сарын 04 Нийтэлсэн barbie

Голландын ''Got talent'' нэвтрүүлгийн шүүгчид эхний оролцогч аав ахынхаа хамт ирсэн Амира Виллихаген охины хүлээж байлаа.

-Намайг Амира гэдэг би 9-н настай. Өнөөдөр би нэг юм дуулна. /яг ингэж хэлсийн шүү/. Тэхдээ таануусын хүлээж байсан юм биш байх. 

Би үзэгчид надад баяр хүргэж алгаа ташихад нь инээмсэглэнэ хааяа гараа даллана гэж төсөөлж сургуулилж байна. Иймэрхүү л юм болийшд ккк.

Жоохон сандаржийна гэхдээ би одоо үнэхээр бэлэн болсон байна. Өнөөдөриин төлөө би маш их бэлтгэл хийсэн. Би энэ тэмцээнд ялахыг хүсэж байна. Гэхдээ би бүхийг ялах албагүй л дээ. Би зүгээр л маш сайхан дуулна гэж өөртөө найдаж байна. Шүүгчдээс Гордон надад таалагддаг. Тэр  их хошигнодог. Надад үнэхээр хөгжилтэй санагддаг.

-За ингээд чи тэнд очиж дуулна. Зүүн талд шүүгчид сууж байна. За яваарай.

-Сайн уу, сайн. Амира Виллихаген, Бүх юм дажгүй юу? Тийм.

-Чи хэдэн настай вэ?. Есөн настай. Ваав чи юу хийх гэж байна? Би нэг дуу дуулна. Зүгээр нэг дуу юмуу эсвэл онцгой өөр үү?

-Мммм үнэндээ нэг дуурийн дуу.

-Дуурь ваав. Яагаад чи дуурийн дуу дуулах болсын?

-Хатан хааны өдрөөр миний ах Винсент хийл тоглохоор болсон. Би ч бас ямар нэгэн юм хиймээр санагдсан. Тэгээд юу дуулах вээ гэж хайсан. Youtube дээр дуурийн дуунууд сонссон. Надад үнэхээр гоё санагдсан тэгээд би дуулсан.

- Ваав их өвөрмөц юмаа. Би эхлээд чамайг ''К3'' /белгийн хүүхдийн дууны хамтлаг, охидууд их дуртай/дуулах байх гэж боджийлоо. Чамд тэд бол юу ч биш санагдсан уу ? Ааахан.

-Ямар дуу дуулах вэ?  ''О мио бабино каро'' гэдэг дуу

- ''О мио бабино каро''. За Амира Би үнэхээр сайхан дуулахыг сонсоно гэж найдаж байна. Найдвартай юу?

-Найдвартай. Үнэхээр сайн. За эхэлээрэй.

-Баяр хүргэе! Маш их баярлалаа.

-Амира Виллихаген есөн настай. Чи яг есөн настай биз. Чиний хоолой үнэхээр гайхамшигтай Мария Каллас шиг үнэхээр цээлхэн сайхан хоолойны өнгө чинь. Маш гайхамшигтай чиний насны охин ийм гоё дуулаад үнэхээр итгэмээргүймаа. Би чам шиг охинтой болмоор байна.

-Чамд дууны багш байгаа юу? Надад багш байхгүй. Дууны сургалт ч байхгүй.

- Чи тэгээд өөрөө сонсоод  бие дааж дуулж сурсан уу? Тийм.

-Итгэмээргүйм.

-Чиний мөрөөдөл чинь юу вэ? Би цаашдаа дуугаа дуулна. Гэхдээ сайн дуулж чадахгүй  надад таалагдахгүй бол олимпд атлекийн төрлөөр оролцоно.

-Өө тэр чинь жоохон юм шдээ./бодуул атлеткийг хэлсэн бололтой/

-Урд нь чи олон хүний өмнө дуулж байсан уу? Ммм дуулж байсан. Гэхдээ яг ийм олон хүний өмнө бол биш .

-Чи үнэхээр сайн дуулах юмаа. За Дэн юу гэж хэлмээр мээр байна. Тэр үнэхээр гайхамшигтай. Тийм.

Шантал: Том маш том Тийм.

Гордон: Бидэнд чамд зориулсан Golden ticket байнаа. /чадан ядан орчуулав. бичлэгийг нь оруулах гэсэн чадсангүй. http://youtu.be/_NfnSgYqM4M



Бүтэн сайн өдрийн тухай /миний амьдралын/

2013 оны 10-р сарын 06 Нийтэлсэн barbie

Өнөөдөр бүтэн сайн өдөр. Өглөө эрт босохгүй өдөржин унтлагын хувцастайгаа хоол эргүүлж зурагт үзэж болдог ганц өдөр ккк. Гэхдээ би тэгж чадахаа байгаад уджийна. За яахав 8.30 хүртэл унтанаа. Миний хувьд бол их сайхан урт удаан унталт юм. Орноосоо суг үсэрч босоод хэсэг нойроо сэргээгээд аяга ус ганц нэг жимс гоочлоод тэгээд гарч гүйнэ дээ хө.

5 км-г манай нэг найз 30 минутанд гүйдэг гэтэл би 45 минут орчим гүйнэ. Хүрэн улаан юм орж ирж шүршүүрт орсоны дараачаас л толгой сэргээд сайхан болоод блогшрох хүч чадал орчдийн сонин. Спортод би бүүр хожуу орсон хүн дээ хэхэ. Архи уудаг , тамхи татдаг байхад юун спорт 500 метр гүйгээл толгой эргээл дотор муухайраад цанх татаад үхдэг байлаа шдээ. Хоолой ямар аймаар хорсдог гээч.

Азаар 30 хүрээд архи тамхийг бүр больсон амар. Саяханаас гүйж байгаа. Урьд нь би дугуй унадаг байлаа. Өдөр бүр 10 км. Хагас цаг л жийнэ. Бие хөнгөрөөд сайхан. Одоо дугуйддаг байсан замаа гүйж дуусгана гэсэн зорилттой байна ккк. Өдөр болгон гүйж амжихгүй болхоор лхагва, ням гарагуудад л өглөөгүүр гүйжийнэ.

Миний амьдардаг хот жижигхэн хэрнээ олон сүмтэй. Бүтэн сайны өглөө шашинлаг хүмүүс нь сүм рүүгээ явжийхад эгч гүйлтын бариу өмд майктай гүйж нтр эсэргүүцжаам уу хахахаха. Шашинлаг хүүхнүүд бол өмд өмсдөггүй шдээ сонин. Европд тийм хүүчинсаг хэт шашиндаа үнэнч хүмүүс байдаг гэдэгт итгэмээргүй. Гэхдээ шашинаа хэн нэгэнд хүчээр тулгадгүй сонгох боломжтой нь сайхан юм даа.

За тэр шашин ч яахав. Уул нь хүүтэйгээ роттердам орж музей  үзье гэж бодож байтал найзууд нь дуудаад гараад явчлаа. Музей үзэхгүй гэнээ. Одоо тэгээл гэрийн ажилаа хийхээс. Тоос соруулах юм индүүдэх гээл ажил байнаа байна. Тэгээл даваа гариг.

Хагас сайнд хүү эрт хөлбөмбөгөө тоглохоор явдаг болхоор надад унтах боломж байхгүй. Өглөө сэрээж өглөөний цайг нь уулгаад шүдээ угаа, солих оймс алчуураа ав гэх мэтээр үглэх гээд би заавалчгүй хажууд байх шаардлагатай ккк. Нөхөр ажилтай бол би хамт явж тоглолтыг нь үзээд гэртээ ирсэн хойноо усанд ор, нойтон хувцасаа цүнхнээсээ гаргаж хатаа  гэх мэтээр үглэнэ ккк. Үглэх гэдэг их чухал ажил хахахаха. Дээр нь хүнс хоолоо авна угаана нтр гэсээр бараг л ажлын өдрөөс ачаалалтай байдаг сонин шүү.

Өнөөдөр цаг агаар таатай сайхан бүтэн сайн өдөр байна. Би нэг вафль хийдэг жижкэн шарагч гэхийм үү авсан. Тэрийгээ туршиж брусель вафль хийнээ. Амжилттай болбол дараа жорийг нь оруулнаа.

Хоол

2013 оны 09-р сарын 28 Нийтэлсэн barbie

Дээр үед би нэг махны төрлүүд гээд бичлэг бичиж байж билээ. Тэр үеэс хойш гурав дөрвөн ч жил өнгөрсийм үү даа. Би гэдэг хүн тэгсэн төрөл арилжсан мэт өөрчлөгджээ. Иддэг хоол , амьдардаг газар өөрчлөгдөөд гол нь миний бөндгөр доторх бантан зарим юмыг арай өөрөөр харж боддог болцым уу.

Дээхнээ би махтай , төмстэй ,сонгинотой  бас будаа эсүүл гоймонтой хоолыг маш амтархан унтахынхаа өмнө эсүүл шоудаад шөнө дунд гэртээ ирээд идэж чаддаг тэрнээсээ эрч хүч таашаал авдаг байжээ. Харин одоо эсрэгээрээ мааш бага махтай заримдаа махгүй данан өвс ногоог (төмс, эрдэнэшиш, манжингаас бусад хмм)чидуны тосонд хуурч эсвэл жигнэж цагын хуваариар идээд тэр хоолноосоо таашаал авах битгий хэл цадахчгүй ч өөр замгүй болсон байна л даа.

Яасан байхнуу хоол боловсруулах эрхтэн муудсан байх нь. Гамгүй ашигласан учраас ашиглалтын хугацаа нь болоогүй ч их хуучирч мууджээ хөөрхий. Хоолоор хүнийг аажимхан алж эсвэл аварч болдын байна. Өөрийн бие дээрээ бүрэн мэдэрлээл дээ. Амттан сайхан сайхан юмнууд дэлгүүрээр нэг ярайна. Төрөл бүрийн архи дарснууд намайг аваач гэх шиг шилээ гялтагнуулж өднө. Хүнсний тэргээ түрээд өвс ногооны тасгаар эргэлдэнэ.

За тэрч яахав хүмүүст мөнгө нь байлаа ч баталгаат хоол хүнс олдохгүй асуудалтай байгаа нь харамсалтайм. Буруу хооллолт дээр нь чанаргүй хүнснээс болж над шиг хичнээн ч хүмүүс хоолны хоригтой үлдсэн амьдралдаа амьдарч байгаа бол. Муу хоол хүнс, буруу идэж ууна дээр нь архи дарс тэрнээс бүүр долоон дор энержи гэгч элэг ходоодны дайсан. Бас долоо хоногт аруун кг тураана гэдэг үлгэрийн тураадаг эм бэлдмэлүүд. Хор шдээ. Ходоод гэдэсийг нь будаа болгоод дээр нь мэдрэлээр нь нааддаг. Эсүүл гэнэт хоолоо сойж өлсөж дэглэм барих. Дэглэм дууслаа шууд пицца пиав. Хөөрхий ходоод элэг дэлүү нойр булчирхай уйлдаг байхдаа.

Гэхдээ гол нь эрүүл сэтгэхүйгээр эрүүл дэглэмээр амьдрах чухал юмдоо. Ходоод гэдсээ хайрлахгүй хаа хамаагүй хоол чихэж байгаад нөгөөх үнэтэй цамц хувцас руугаа асгаад олго харайн сандарч цамцаа угааж арчиж байгаа бол эрүүл сэтгэхүй биш шүү хахаха.

Нэг евро тавин центын өглөөний цай. Өглөө наймаас арван цагын хооронд нэг дэлгүүрт очиж авч болдог. Иймэрхүү өглөөний унд хүмүүст хийх зардаг болхымсон нээрээ. Хүнд биш ч  үдийн цай хүртэл хангалттай.

Кельтик аялгуу сонсонгоо блогширсон нь

2013 оны 08-р сарын 07 Нийтэлсэн barbie

Хичнээн ч удаан блогоо хаагаад мартсын бараг жил болсон байна шдээ. Нүүрний номд гүн гүнзгий донтсон байлаа гэж нээрээ. Хийх ажил их байлаа одоо нэг жигдэрээд сайхан байна даа. Ойрд хүмүүс блогын идвэхжил ихтэй байх шигээ :b. Хоолны дэглэм барьсан тэгтэл майр их завтай болчихын хэхэхэ

Урд нь дандаа хоол бодоод хоолны сайт ухаад суужийдаг байсан юм шиг байгаан. Дотор хүнээ сэрээж шинэ сайхан юм хийх бөөн эрч хүчтэй суужийна. Өнгө сонгох гэдэг асуудал байна. Би бол зөөлөн цайвар шаргал тиймэрхүү тайван өнгөнд дуртай. Гэтэл хүмүүс надаас номин ногоон , хар , улаан , гүн цэнхэр, бор , саарал болон завсарын өнгөтэй бүтээл хүсээд би хийх гэж хичээгээл.

Ямарч урлагын сургууль битгий хэл дамжаанд ч сураагүй би нэгмэдсэн модерн абстракт зураг хөрөг зураал суудаг болчиж сонин юмаа нээрээ. Өнгө болон хээ угалз бас зурах техник нтрыг нэтээс хараад сурдаг гэвэл хүмүүсийн элэг хөших байхдаа ккк.

Зураач хүмүүсийн тэгээд зүгээр л нэхх их юм бодолгүй автоматаар л зураад хаячдаг байх гэж томоос том эндүүрч бодож явдаг байжээ. Одоо өөрөө тэгсэн энд тэнд элдэв сонин юм харагдавал гүйж очиж хараад энд тэндэхийн галерейн цонхонд бараг наалдаад шүлсээ залгиад хараад явдаг болжээ хөөрхий. Одоо хүртэл хажуудаа баахан юм хэвлээд тавьчихсан байжийгаад уншинаа гээд.

Цуглуулсан хог новш одоо нэг өрөө дүүрхээр юм болжийно. Бөөн эрэл хайгуул байдагын байна уран бүтээл хийдэг хүний амьдрал. Байнга суралцаж шинийг эрэлхийлнэ. Бүүр сүүлдээ одоо бүүр урлагын сургуульд боломж гарвал сурдаг юмуу гэж бодхын. Даанч ар гэрийн амьдрал үр хүүхэддээ санаа зовох юм.

Ээж сургуульд сураад завгүй болбол энэ гэр орон юу болох вээ нээрээ. Гэхдээ сурахад хэзээ ч оройтохгүй дээ нээрээ. Ямар нэгэн арга замаар зайнаас ч болтугай сурна даа гэж. Бага байхдаа мэргэжил сонгох гэж ер нь бодож явсангүй. Дарга босс болж баян тарган амьдрах л сайхан санагддаг байж. Одоо тэгтэл эсрэгээрээ дуртай юмаа хийгээд хар ус ууж хатсан талх мэрсэн ч чадах юм шиг санагдахын хахаха.

Сайхан аялгуу , сайхан кофе, шинэ санаа , хүүхдүүд хажууд хөгжилтэй тоглоом тоглож шуугилдаад би зүгээр л жаргалтай байна...Бас блогширч байна..


Чамайг санаад би

2012 оны 11-р сарын 19 Нийтэлсэн barbie

Хэдэн сая живаа тоосонцор бужигнах хотын гудамжинд хүмүүс адган бие биенээ дайрч унагах шахан алхана. Намар хэмээх зураг сэтгэлдээ зурах гэж нүдээ хорстол энэ гудманд зогсоо над шиг тайван яараагүй хүн энд алга. Дотор сэтгэл минь чамаар дутаж уйлчих шахавч би мэдрэмжээ намрын зурагт ашиглах гэж зүрхээ бухимдуулна.

Би хачин тайван мөртлөө гунигтай. Хайртай хүмүүс хагацан салах гэдэг ийм тэнэг байдаг гэж үү. Бид хол ингэж тусдаа удна гэж даанч төсөөлөөгүй. Хоёрхон сар гайгүй гэсээр би онгоцондоо суугаад чи үлдсэн. Гэтэл одоо бараг дөрвөн сар чамаасаа хол. Өдөр бүр утсаар ярьж мэссэж бичих ч энэ үнэндээ хангалтгүй байна. Хайртай хүмүүс хамт байхаас илүү сайхан зүйл гэж энэ хорвоо дээр алга.

Нэг бүсгүй саяхан нөхрөөсөө салсан гэж их л гунигтай ярих. Өөрөө салах шийдвэрээ гаргаж хүссэн болхоороо салсан гэх. Хэцүү байна үхмээр байна гэж ирээл надад асар их зовлон тоочив. Гуниглаж зовж байгаад нь би их гайхлаа. Хүсэж салчихаад юундаа гунигладаг байна аа гэж.

Харин би салж холдохыг огтхонч хүсээгүй мөртлөө энд хайртаасаа хэдэн мянган километрийн цаана яваад очих хүсэлтэй ч хүслээ дарж хэзээ ирэх нь мэдэгдэхгүй бичиг хүлээн сууна.Би хатуу чанга эмэгтэй ч бусдын адил хайртай хүнээ санаж дотроо мэгшин уйлж гаднаа инээмсэгдэг эмэгтэй. Миний зүрх бусдыг адил шархалж өвдөж гунигладаг. Өөрийгөө л дандаа зовж зүдэрч асуудалтай байна гэж боддог хүний сэтгэлээ гэж.

Олигтой хүйтэрч өгөхгүй хэрнээ дулаахан ч биш удаан зогсвол даарах шинжтэй намрын сүүлчийн өдрүүдийн нэгэнд би гадаа зогсож байна. Яг энэ чигээрээ  алхаал байвал түүндээ очино гэвэл би шууд алхахад бэлэн. Гэхдээ л хүлээх ёстой бол хүлээх л хэрэгтэй.

xxx

Уянгын халилтай сайхан үгс холбон хэтэрхий нялуунаар халуунаар би хайрын тухай бичиж чадах ч хүсэхгүйм. Ийм их хүч хүлээх тэвчээрийг надад хэн хаанаас өгч байгааг мэдэхгүй ч би баяртай үүрд хагацан салъя мартая гэдэг үгсийг мартах хэрэгтэй болжээ. Байх байлгахын төлөө үхтлээ ч хүлээх хүлээж чаддаг болжээ. Би том болжээ. Би хайрыг хайрлаж сурчээ. Би өөртөө үнэнч ханддаг болжээ. Юу ч,  юуг ч, юу ч биш бүхэн утга учиртай гэдэг үнэн байжээ. 

Хайртаасаа хол байнаа гэдэг хэцүү. Гэхдээ хайртай хүнгүй байхаас хэцүү бишээ. Хүлээх хэцүү. Гэхдээ хүлээх зүйлгүй байхаас хэцүүгүй ээ.


Гүн цэнхэр /там/

2012 оны 10-р сарын 16 Нийтэлсэн barbie
Дэлгэрэнгүй»

:))))

 Дэлгэрэнгүй»

Завтай бол энэ киног үзээрэй

2012 оны 09-р сарын 30 Нийтэлсэн barbie

Хоёр өдөр гэрээсээ бараг л гаралгүй кино үзлээ. Найман кино үзсэнээс "October baby" гэдэг энэ кино үнэхээр их таалагдлаа. Нус нулимастай холилдуулаад хаячлаа намайг. Киноны хөгжимийг бас магтахгүй байхын арга алга. Болуул чихэвчтэй үзвэл гоё кино байна шүү. www.now.mn  дээр байсан. Life is beautiful.....

High

2012 оны 08-р сарын 16 Нийтэлсэн barbie
.// Дэлгэрэнгүй»

Max Havelaar-Multatuli

2012 оны 06-р сарын 08 Нийтэлсэн barbie
... Дэлгэрэнгүй»

Аз жаргал хаанаас ирдэг вэ гэж үү ккк

2012 оны 05-р сарын 08 Нийтэлсэн barbie
 Хэзээ ч үл бууж өгөх оптимист хүний бичлэг шүү хэхэхэ. Дэлгэрэнгүй»

Олоон жилийн өмнө бас өнөөдөр

2012 оны 04-р сарын 16 Нийтэлсэн barbie

 

 Дэлгэрэнгүй»

Ганган

2012 оны 04-р сарын 16 Нийтэлсэн barbie

Өөртөө зориулж хийсэн

 Дэлгэрэнгүй»

Пирошки хийж орос дуу сонсдог сонин өдөр

2012 оны 04-р сарын 01 Нийтэлсэн barbie
Би орос сургуульд сураагүй орсоор ярьдаггүй гэхдээ нэг л сонин сэтгэлд ойрхон санагддийн. Дэлгэрэнгүй»